اے قومی ترانے کے خالق دیکھ قوم کی شانِ حال
کشورِ حسین میں ہوا خَلق کا جینا بھی محال
پاک سر زمین بنے گی امن کا گہوارہ
سب خواب چکنا چور ہوئے اور ارادے پامال
فلاحی ریاست کی تکمیل اِک سراب ہوئی
اب ہیں بم دھماکے، ٹارگٹ گلنگ و مُفلسی کا وبال
قوّتِ اخوّتِ عوام کی تضحیک کا تماشا ہے یہاں
فرقوں اور گروہوں میں بٹی قوم رُوبہ زوال
اسلامی جمہوریہ بن تو گیا اسلام کے نام پر
مگر صداقت نہ عدالت نہ قدرِ ہُنر و کمال
کچی بستیوں شکستہ جُھگّیوں کے مناظر دیکھ
ان سے کیا رُونما ہو گا تیرا جانِ استقبال
بوڑھے مرد و زن سرِ راہ بھیک مانگتے ہیں
ورکشاپوں میں کمسِن بچے مشقّت سے نڈھال
ملک کنگال ہوا قوم مقروض ہوئی
مگر لیڈر یہاں اکثر قارُون کی آل
بیچ دیتے ہیں قوم فروش کوڑیوں کے مول
قومی اثاثے برائے کمیشن و مال
رہبرِ ترقّی و کمال کا کاسۂ گدائی تو دیکھ
خون کے آنسو رلا دے گی یہ پَستی کی مثال
تیرگی پھیل رہی ہے لمحہ لمحہ قریہ قریہ
کیونکر ہو گا یہ شاد آباد کب ملے گی منزلِ مراد
ضبطِ فُغال دشوار تھا زُبیرؔ نے بے خواب کیا
معذرت تجھے بھی کر دیا رنجیدہ و پُر ملال
محمدزبیراسماعیل
